لاحول ولا قوة إلا بالله ..........شف أخوي يارب تجيب نتيجه :

اول شي يبيلك صبر ومثابره واجتهاد وصدقني لو انرشد خويك بصير اجره في رقبتك ليوم القيامه لاتفوتها .

وانا بعطيك كل التوجيه والارشاد ويارب تفيدك .

بس قبل كل شي حاب اقولك في بعض الامور اللي تمنع خويك من الصلاة .
وحاول انت تبعده عنها :
العلاقات الاجتماعية غير المنضبطة ، والمتباينة في أساليب الطريق الغير سوي
كثرة المثيرات للشهوات اتساع مصارف الشهوة وميادينها حاول في تغير جدوله اليومي حاول ان تقرب بينكم من له باع في النصح دون ترك الاثر بالتعصب ......(النصيحه ماتجي بالقووه)
.................................................. ................................
وهل اشياء راح تقوي من عزمك له.

اولا_كرر عليه إنك تبي تروح للصلاة (واكيد في رمضان تجي احلى مثلا تقوله انا بعزمك على صلاة التراويح ) ويمكن يرفض .عادي
دايما وابدا تجيبله كاسيت حق الهدايه وقصص عن تارك الصلاة حتى لو نطلها كرر عليه ...
واذا حبيت تدور انت وياه وصادفت قبور ذكره وقوله كم تتوقع يافلان من اللي ماتو بهالقبر مايصلون .......... اكيد هو راح يفكر ويسكت واذا حسيت منه هالشي حاول تدخل المقبره وياريت تصادفك جنازه بيتعظ اكثر بس يمكن يرفض لاتصر عليه مشها .
حاول تقرب له العلاقات بالناس اللي يصلون دايما دايم الجروب لهم تأثير اقوى
تناقشوا كثاقفه ي امور الدين والصلاة ولاتفتي انت طبعا خلك على قد حالك ولاتثير الجدل معه لو في عباطه منه .حاول انك تحطه في مواقف حرجه كأشخاص هو يهيبهم لو صادفك للصلاة طبعا كل الامور هاذي يبيلها صبر . واذا هذا كله مافاد ابداء بالتشدد معه مثلا تقوله شف يافلان اذا ماتبي تصلي وتتعدل امورك ترى ها بكلم عليك إمام المسجد او ابوك او اي انسان له هيبه عليه .يعني من القبيل هذا بس لاتتطاق معه انتبه .ههههههههههه
وادعمه بالنصح زن عليه الزن مفعوله اقوى من السحر وحن ولاترهق نفسك خذ نفس وابعد عنه شوي ثم ارجع له (قيس النبض عنده على كلامك بينكم معزه ) وقوله شف يافلان ترى انا حاولت معك كثير ونصحتك بالصلاة إما انك رجال تصل لربك ولا انت من طريق وانا من طريق وصدقني اخوي وأخذ الجد عاد لو شفت منه مافيه فايده ابعد عنه لانه إحتمال يأثر فيك واللي مايقرب لربه مايقرب لاحد خذها مني واجهت ناس كثير امثال خويك وعزيزين علي بس الله لايبلانا بس لايصير هالسوالف في يومين ولا شهر لالالالا بس ليما انت تحس منه إن ذا الرجال مافيه خير ابد .وهذا رأي ومااأدري وش يكون رأي الاغلبيه (وبعدين ياخوي قله يسير علينا بالمنتدى ترى الدعوى فله عندنا ............. والله اانا جديد ومالي الا يومين او اقل بس كأني لي سنين ) بصراحه مستأنس كثير بوجودي مع الاخوان بس انت علمنا وش المواضيع اللي هو يحبها وبنجيبها له .


وانشاء الله اكون قدرت اوصل المعلومه وفدتك واسف على الاطاله .

ودمت للمنتدى تحياتي .