|
لاحول ولا قوة إلا بالله العلي العظيم
إنا لله وإنا إليه راجعون
(يا أيتها النفس المطمئنة ارجعي إلى ربك راضية مرضية فادخلي في عبادي وادخلي جنتي) صدق الله العظيم
خطب جلل ، اصاب الأمة الإسلامية والعربية ، بفقد ركن اساسي ، كان احد مقومات
دعمها ، وصمودها ، فتجاوبت معه كل القلوب المؤمنة بقضاء الله وقدره .
الله يغفر لشيخنا زايد ويسكنه فسيح جناته ، والهم شعب الإمارات الأبي الصبر
والسلوان. وإنا لله وإنا إليه راجعون.
احـدٍ يـروح ويذكرونـه ملاييـن=واحدٍ ولا احدٍ يذكره لو بقـى حـي
هذا فعوله واضحـه فـي المياديـن=بالخير والمعروف ضيّ على ضـي
يعطي ولا ياخذ ويرعـى المساكيـن=يرجي رضا ربه ولا يبخـل بشـي
وهذا يبي دنيـاه مـا فكّـر بديـن=يحسبه خالد ما تناهى عـن الغـي
ياخذ ولا يعطي ولا يعـرف الليـن=جبّار قاسي فـي مماشيـه كالعـي
راح البطل والرجـل تبقيـه ثنتيـن=ذكرٍ حسن وإلا عيـال كمـا الفـي
ما مات زايد لـو نعتـه الملاييـن=انا اشهد إنه في قلوب العرب حـي
يكفي وقوفه في العراق وفلسطيـن=وتكفي مشاريع الصحاري بهـا ري
إنسان متواضـع يلاقيـك بالزيـن=وينصحك كالوالد ويرعـاك كالخـي
الكـل عنـده واحـدٍ دون تعييـن=الفعل مقياسه من العـدل لـه طـي
داره شقلهـا كالصقـر بالجناحيـن=وشعبه غدا له صيت ما صار له زي
لو ما بكوه اليـوم لاشـك مخطيـن=الدمع يرخـص دام بالقلـب كالكـي
فرقاه صعبه فاتركوا هامـل العيـن=يذرف بحرقه لو نشف منّها المـي
قولوا معي يا اهل الإمـارات آميـن=يقبله ربي فـي ريـاض لهـا فـي
في عالي الفردوس بيـن النبييـن=ومع خيرة الأبرار ضي على ضـي
|
العرض العادي
