|
هذا موضوع عجبني قلت انقله لكم لعل يكون فيه الفائده
خذوا السالفة..
طالبة بكلية التربية بإحدى مناطق المملكة في شهور حملها الأخيرة
المرأة تستعير جوال زميلتها لتتصل بزوجها الموظف ليأتي ينقلها للمستشفى لشعورها بآلام الطلق والولادة
مها : محمد الله يخليك تعال بسرعة بطني يتقطع ودني دكتور و إلا شف لي حل
محمد : يا بنت الحلال أنا مشغول الحين .. عندي اجتماع ضروري والله مقدر اطلع من الدوام حاولي تصبرين أو تمرين عيادة الكلية كلها ثلاث ساعات واجيك
مها : يا بن الحلال أقول لك تعبانه تقول لي اجتماع ؟
محمد : ثلاث مرات أجي أخذك ويطلع ما في ولادة ولا شي ، أكيد كالعادة ما رح أتأخر عليك اخلص اجتماعي والله يرحم والديك لا تحوسيني كلمه وحده انتهينا ........
قفل الجوال
زميلتها : يا مها .. شكلك مره تعبانه
مها : شكلي باتصل على ليموزين و إلا احد يوديني
الزميله : انا عندي حل بس هاه مدري توافقين عليه والا لا ...
أنا خويي بيجي ياخذني من الكليه باطلع معاه
الين قبل نهاية الدوام
ومثل ما تعرفين ما رح يطلعوني بس إذا انتي تعبانه
منها نوديك للمستشفى ومنها أخذك عذر اطلع معه
هاه وش رأيك ؟؟
مها : يابنت الحلال مو مشكله المهم اوصل المستشفى أنا حاسة
إني بموت الله يخليك بسرعة خليه يجي
تتصل زميلة مها بخويها
خلاص تعال الحين بلاش بعد ساعة الحين ضروري
بسرعة تعال بتلقاني انتظرك برا يالله باي
تتجه مها وهذه الزميلة إلى المشرفة يشرحون لها الأمر
وأن اخو زميلة مها سوف ينقل المريضة للمستشفى وأمام حالة مها المترديه تسمح تأذن لهما
تخرج مها مع زميلتها ينتظرون هذا الشاب ليوصلهم للمستشفى
ويذهب مع هذه الفتاه
وترى مها أمامها الصاعقة
خوي الفتاه ما هو إلا زوجها
الذي تركها في عز حاجتها له ليمارس الخيانة
لا يوجد بعد هذه الصدمة تعليق تخيلوا حالة هذه المسكينة ؟؟
وهي ترى زوجها يخونها بحجه اجتماع وهي في حاله ولادة
فهل الاجتماع أهم من ولادة زوجته؟؟
منقول من إيميلي
اتمنى تعم الفائد
تقبلو مني خالص التحيه
طـــــــــــــــلال هويدي |
العرض العادي
