|
ارجوك ما بغى منك تبرير واعذار,,,,,كل الذي بيني وبينك نهيته
ما عاد لك في خافقي اليوم مقدار,,,,,,خلاص حبك من حياتي محيته
لاتعتذر يكفي ترى منك ما صار,,,,,,يكفيني اللي منك جاني وريته
ولدت بي جمرةً وشبيتها نار,,,,,واشقيت روحي والهوى ما رعيته
ماكنت أظنك خاينٍ الود غدار,,,,,تلعب على قلبي عقب ما خذيته
من فضل ربي يا غشيماً بالأقدار,,,, بانت حقيقة وجهك اللي خفيته
وش شفت أنا من عشرتك غير لضرار,,,,يا صاحبي طعم السعاده نسيته
اوفيت انا بعهدي معك ليل ونهار,,,,,,وانت للأسف عهدك معي ما وفيته
لاجل المحبه كم تحديت الاخطار,,,,,,وليل المهالك لاجل عينك سريته
شيدت لك ياصاحبي في الحشى دار,,,,,لكن حسافة انهدم ما بنيته
ما عاد تجمعنا سواليف وأسرار,,,,,حبٍ يذل النفس لا .. ما بغيته
ما فات خله بيننا إيكون تذكار,,,,انسى وبا انسى دربك اللي مشيته
القصيده للشاعر ناصر لعوج بن شريفان الخليفي |
العرض العادي
