مرحبــــا

شحاااااااااالكم

هذي بعض الكلمات ليتها ايام قبل تعود..نبدأ؟؟

لرزيف: رقصه رجاليــّـــه ...

الردحــــه : رقصه مشهوره عند الحريـّــم ...

البذوار : الطير ( الصغير ) شوي اكبر عن الفرخ ...

الشرياص : الطير الصغير قبل لا ايغدي طير لكنه ايرووم ايطير ..

الصرود : السفره من الخوص ...

الخوص : سعف النخيل ..

الدعووون : هو جدار البيت المصنووع من الخوص اليابس والمترابط بحبل

البارجيل: مكيف الخمسينات ابراج مرتفعه من اللبن يدخل الهوا البارد لها ...

الجازول : اخر الخطام ( اخر الحبل ) ...

الشداد : ما يوظع ع الرجاب كي تجلس عليه وتسيطر به ع الرجاب ..

السردال :امير مراكب الغوص ....

الجيون : اللولو ..

التبر :الذهب ...

الخرج: جيب من السدو...

الحنّــه :الحنطه ......

اليعده :دوا ...

الفلاس : جرار يحطون به ويحفظون به التمر ...

الخرس: وعاء مخرووطي قاعدته مستديره والقاعده لاعلى لحفظ الماء بارد ..

الزل : السجاد ....

الغلس : انسان مايعرف الاتيكيت ف الكلام ....

الزربو: جوارب ... دلاغ ...

الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو ...

البيالــه : فنجان الشاي ... ( استكانه ) ..

الخوّاره : الناقه اللي خارت قواها امررره ..

اليفول : الناقه لي ترتعب من اي شي ...

عونك : بمعنى لبيه او ياك العون ...

الاملح : الاسود ....

مملوح : وسيم ..

اليفره او الجفره: الحفره ..

نهي : بمعنى ذهب اي سار

هيد: ..توقف او تريث

زويه : تطلق على الحَمّام قديما

طنب : القطعة التي تصل ما بين زوايا الخيمه

العرقوب : المرتفع من الأرض

غدف : خلف او بعد الشيء

السولعي : ذات الرقبه الطويله

الحر: نوع من انواع الصقور

الدقل : عمود الساريه للسفينه

الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا

السقا والثبر :... اي المد والجزر

يونيه : تطلق على الخيشة

الظو : يطلق على النار

السبلة : تطلق على الحجرة

المنز : تطلق على مهد الطفل

البيدار : تطلق على اللي يشرف على المزرعه

يواقع : معناتها اللي يعصب او يصارخ على غيره

يزقر : معناتها ينادي

طـــــريت : ( ذكــرت أو قلــت ) ..

غبـــــنه : ( غـــــصه ) ..

حشــــى عليه : ... ( للانكـــار ) ..

صـــــوحي : ( ســــــري ) ...

يبــــوح : ( يفشي).....

ســـــرى : ( رحــــل ) .....

ضــــوى : ( رجــــع)

قيـــــلت : ( اليلـسه في مكان معين لين فتره الظهر)...

المبيـــت : ( ييلس الشخص في مكان معين لعده ايام).....

عــزرت : ( اجبرت) ....

يواجع : معناتها اللي يعصب او يصارخ على غيره

غثيتنـــــا : ( أذيتنـــــــا ) ....

الغشيـــــم : ( اللي ما يعرف شي ) ....

انعتنـــــي : ( دلنـــــي ) ...

ســـرينــا : ( روحنـــــا ) ...

جــــدى : ( صــــوب ) ...
هووود : عند الدخووول الى أي مكان ...

يا لقعتيه : ( يا مصيبتيه)

يا عثرتيـه : ( يا مصيبتيه)

انقفض : ( استعيل)

خــاري : ( برع )

صدعه : (حشره أو ازعاج)

السيح : المكان الواااسع المترامي الاطراف

هذربان : كلاام ورمسة مستمرة

هــــــــزرك : ( ظنـــــــك )

طبـــــــزني : ( ضــــربني )

هدمنيه: ( رقدنيه)




كلمـات بدويـــه !!

طر وميغا ورقيص نفس المعنى * فناان ..

يعزول * بعر البوش (عزكم الله ) .

يعلك النفااد * يعلك الموت ..

يعلك العوق * يعلك المرض ..

اشكر فنك * انته اووكيه ..

اسمييك اخوشما * انته ريال ..

نسيم السيح * ريال

عليه الشرط * حلفان طلاق %% الي مايبا حرمته يحلف %%

تيامن * خذ ع يدك اليمين ..

تياسر * خذ ع يد اليسار

لمعونه والرد عليها كفيت لمهونه%% تقال عند السلام ويوم واحد ماشاف حد من زمان %%

فيذمتي %% هاي تنقال يوم الواحد يبغي يثبت انه صادق ويقرنها بذمته %%

أقرب %% يعني تفضل والرد عليها جرب منك الخير او جريب %%

الناموس %% تنقال لواحد حصل على جائزه او حصد مركز متقدم والرد عليها الله يسهلك نصيب %%
ماحد لفانا %% تقال يوم حد يسال حد اذا جاءهم ضيوف فيقوله ماحد لفانا اي ماحد يا %%

عيني عليك بارده %% يوم انسان يسوي شي زين تنقاله هل الكلمه لكي لا يخاف من النظل %%

تيمل %% معناها لو سمحت او ارجوك %%

سنقباسي (( اي الفتاه الجميله )) ويقول بروغه سنقباسي ناشل اراسي والهوى يلوي على ازلوفه

خوروله ثوب مدراسي واستحى الخوار من يوفه يوم يشرب ماء من الكاسي من ترافه ينبه اتشوفه...


ان شاء الله فهمتوووووها





والسموحــــــــــــــــة ع القصـــــــــــــور ..


ملطوووووووووووش

البيالــه : فنجان الشاي ... ( استكانه ) ..

يووو هاتو البيالة وصبو لي شاي هههههههههه

الاملح : الاسود ....

مملوح : وسيم ..

اليفره او الجفره: الحفره ..

<< حاسبي لاتطيحين في اليفرة ههههههههههههههههه

الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا

يونيه : تطلق على الخيشة

<< هاتو يونية العيش

الظو : يطلق على النار

<< الوالدة : يما حاسبي لا يحرقج الظو هههههههههههههههه

المنز : تطلق على مهد الطفل

يزقر : معناتها ينادي

طـــــريت : ( ذكــرت أو قلــت ) ..

حشــــى عليه : ... ( للانكـــار ) ..

قيـــــلت : ( اليلـسه في مكان معين لين فتره الظهر)...

<< يللا كلكم قيلو عندنا اليوم

المبيـــت : ( ييلس الشخص في مكان معين لعده ايام).....

غثيتنـــــا : ( أذيتنـــــــا ) ....

<< وشكثر تهذر انت تراك غثيتنا ههههههههههههههههههه

الغشيـــــم : ( اللي ما يعرف شي ) ....


<< صج غشيم ههههههههههههههههههههه



<< هههههههههههههههههههههههههههههه

الظاهر انا للحين باقي قديمة هههههههههههههههههههههه


هذي الكلمات ماقدر اهدها دومها على لساني


<< يه شنسوي بعد للحين ماتطورنا باقي بعد شوي على الحجي البحريني انه يترقى ههههههههههههههههههه


اما الكلمات البدوية مالقطت الا ثنتين اقولهم هع هع هع

فيذمتي %% هاي تنقال يوم الواحد يبغي يثبت انه صادق ويقرنها بذمته %%

عيني عليك بارده %% يوم انسان يسوي شي زين تنقاله هل الكلمه لكي لا يخاف من النظل %%


<< بس هذي اقولها




يسلموووووووووو على الموضوع الرووووووووووووووووعه


وربي يعطيك العافية

والله منا فاهم حاجه
بس مشكووووووور اخى
ههههههههههههههههههههه

يسلمووووو صادق الود

اتعبتني حنجرتي وانا احاول انطق هذه الكلمات بس في بعض الكلمات عندنا مازالت تنقال مثل الزل__ قيلت _ المبيت_في ذمتي _ ماحد لفانا _ عيني عليك بارده وبس

مشكور صادق الود على المواضيع الحلوه وعيني عليك بارده

لوووووووووووووووووووول

قديمك نديمك

هلا نوف البحرين

يسلمووووووو على المرور الجميل